Eyni vaxtda işləyən noutbuk, smartfon, ağıllı saat və simsiz qulaqlıqlar Wi-Fi şəbəkəsində fasilələrə səbəb ola bilər.
Fizika-riyaziyyat elmləri doktoru, professor Aleksey Yurasov xəbərdarlıq edib ki, LTE və Wi-Fi diapazonlarında işləyən iki smartfon təxminən 1.9 QHs-lik "üçüncü tezlik" yaradır. Bu tezlik 2G mobil rabitənin işinə mane olur.
Parazit siqnallar daxil olan zəngi boğur və ya mesajı təhrif edir. Qadcetlər özləri tam işlək olsa da, bu amil qəfil əlaqə kəsilmələrinə səbəb olur.
Professor izah edib: "Sabit internet bağlantısı zamanı videozəngin kəsilməsi, mikrodalğalı soba işə salındıqda simsiz qulaqlıqlarda xışıltıların yaranması tezliklərin toqquşması ilə bağlıdır."
