Qara dənizdə üzən mülki yük gəmisi pilotsuz uçuş aparatının (PUA) hədəfi olub. Hücum nəticəsində bir nəfər həyatını itirib.
Hadisə Panama bayrağı altında üzən "Victress" adlı gəmiyə qarşı törədilib. Gəminin sahibi türk vətəndaşıdır. Hücumdan sonra gəmidə güclü yanğın başlayıb.
Ukrayna Hərbi Dəniz Qüvvələri heyəti xilas etmək üçün əməliyyat aparıb. Gəmidə Misir, Türkiyə və Hindistan vətəndaşları olmaqla 9 ekipaj üzvü olub.
Ukrayna rəsmiləri hücumun arxasında Rusiyanın durduğunu bildirir. Açıqlamada deyilir ki, 58 yaşlı misirli aşpaz həyatını itirib, 8 dənizçi təxliyə edilib. Palau və Belize bayraqlı gəmilər də hədəf alınıb, lakin can itkisi olmayıb.
