Gürcüstanın Qardabani rayonunda baş verən dəhşətli yol qəzasında ölənlərin sayı səkkizə çatıb. Bu barədə Rustavi Mərkəzi Xəstəxanasının rəhbəri Papuna Baxtadze məlumat verib.
Xəstəxana rəhbəri bildirib ki, ağır yaralı halda xəstəxanaya çatdırılan şəxsin həyatını xilas etmək mümkün olmayıb.
Mayın 14-də yüksək sürətlə hərəkət edən BMW avtomobili ağaca çırpılıb, ilkin olaraq yeddi nəfər həyatını itirib. Daha bir nəfər ağır yaralı olaraq xəstəxanaya çatdırılmışdı. Ölənlərin hamısı yerli azərbaycanlı gənclərdir, onlardan ikisi qardaşdır.
Hazırda faktla bağlı araşdırma aparılır.
