Fransa prokurorluğu sabiq prezident Nikolya Sarkoziyə 2007-ci il seçki kampaniyasının Liviyadan maliyyələşdirilməsi işində 7 il həbs istəyib.
Oxu.Az xəbər verir ki, bu barədə "Le Figaro" yazıb. Prokurorluq Sarkozini "liviyalılarla korrupsiya sövdələşməsinin təşəbbüskarı" adlandırıb.
Prokuror Damyen Bryüne: "Sarkozi olmasaydı, görüşlər və pul köçürmələri mənasız olardı."
Müəmmər Qəddafinin Sarkozinin kampaniyasını maliyyələşdirməsi 2011-ci ildə üzə çıxıb. Qəddafinin oğlu Seyf əl-İslam vəsaitin qaytarılmasını tələb edib, Yelisey Sarayı isə təkzib edib.
2012-ci ildə "Mediapart" Qəddafinin 50 milyon avro ayırdığını yazıb.
Sarkozi 2025-ci ilin sentyabrında cinayətkar qrupda iştirakda təqsirli bilinərək 5 il həbs cəzası alıb, lakin kampaniyanın qanunsuz maliyyələşdirilməsi təsdiqlənməyib. O, oktyabrda cəza çəkməyə başlayıb, sonra Apellyasiya Məhkəməsinin qərarı ilə azad edilib.
