100 milyon ildən əvvəl Avstraliyaya düşən meteorit "qızıl yağışı" gətirib.
ANSA agentliyinin məlumatına görə, kosmik cismin toqquşma izləri diametri 4 km-dən çox olan kraterdə aşkarlanıb. Krater Kalqurli şəhərindən 50 km şimalda, qızıl yataqları ilə zəngin bölgədə yerləşir.
Geoloq Rayza Kinteronun rəhbərlik etdiyi ekspertlər qrupu qravitasiya anomaliyaları aşkar edib. Qazıntılar zamanı zərbənin süxurları əridəcək qədər güclü olduğu sübut olunub. Toqquşma nəticəsində havaya qızıl tərkibli qırıntılar atılıb.
Yeni kraterə müvəqqəti olaraq "Ora-Banda" adı verilib. Bu kəşflə Avstraliyada təsdiqlənmiş meteorit kraterlərinin sayı 34-ə çatıb.
