Rusiyanın Konstansadakı baş konsulu Rumıniyada “arzuolunmaz şəxs” elan edilib.
Rumıniya Prezidenti Nikuşor Dan Milli Müdafiə Ali Şurasının iclasından sonra bunu açıqlayıb.
“Ötən gecə iki vətəndaşın yaralandığı ciddi insident baş verdi. Məsuliyyət Rusiyanın üzərindədir. Baş konsul “persona non grata” elan edilib, konsulluq bağlanacaq”, – deyə o bildirib.
Hadisə mayın 29-na keçən gecə Qalats şəhərində bir binanın damına PUA düşməsi nəticəsində baş verib. İki nəfər yaralanıb, 70 nəfər təxliyə edilib. Prokurorluq cinayət işi açıb. Rusiya səfiri Xarici İşlər Nazirliyinə çağırılıb.
