Rusiyanın "Rosselxoznadzor" qurumu iyunun 2-dən etibarən Ermənistandan çəyirdəkli meyvələrin və üzümün idxalını məhdudlaşdırır.
Məhdudiyyət albalı, gilas, gavalı, şaftalı və nektarinə şamil edilib.
Qurum bildirib ki, Ermənistan dəfələrlə idxal qaydalarını pozub və Avrasiya İqtisadi İttifaqının tələblərinə cavab verməyib.
Həmçinin iyunun 2-dən Ermənistandan balıq məhsullarının idxalı da dayandırılır.
Ötən həftə Rusiya Ermənistandan meyvə-tərəvəz və gül idxalını müvəqqəti məhdudlaşdırmışdı.
