İyunun 26-da Rusiya və Ukrayna arasında hərbi əsirlərin növbəti mübadiləsi baş tutub. 160 rus hərbçisi Ukrayna əsirliyindən qaytarılıb.
Məlumatı Rusiya Müdafiə Nazirliyi açıqlayıb. Qarşılıqlı razılaşma əsasında Ukrayna Silahlı Qüvvələrinin də 160 hərbçisi təhvil verilib.
Qaytarılan rus hərbçiləri hazırda Belarus ərazisində yerləşir. Onlarla Rusiyanın insan hüquqları üzrə müvəkkili Yana Lantratova işləyir.
Psixoloji və tibbi yardım göstərildikdən sonra hərbçilər Rusiyaya aparılacaq. Reabilitasiyalarını Müdafiə Nazirliyinin tibb müəssisələrində davam etdirəcəklər.
Birləşmiş Ərəb Əmirlikləri bu prosesdə humanitar vasitəçilik edib.
