Çinin Henan əyalətinin Sinsyan şəhərində məhkəmə Şaolin monastırının keçmiş başçısı Şi Yunsini 24 il müddətinə azadlıqdan məhrum edib.
Oxu.Az "Reuters"-ə istinadən bildirir ki, o, əmlakı mənimsəmə, vəsaitlərin qanunsuz mənimsənilməsi və rüşvət maddələri ilə təqsirli bilinib.
Yunsin 1999-cu ildə monastırın rəhbəri təyin olunmuşdu. İstintaqa görə, o, cinayət yolu ilə 300 milyon yuandan (təxminən 44 milyon dollar) çox vəsait əldə edib. Rahib həmçinin 3.5 milyon yuan (517 min dollar) cərimə edilib.
Yunsin təqsirini boynuna alıb və apellyasiya istəməyəcəyini bildirib. Çin Buddist Assosiasiyası onu dini rütbəsindən məhrum edib, monastırın yeni başçısı Şi İnle olub.
