Serbiya Avropa İttifaqına (Aİ) tamhüquqlu üzv olmaq naminə veto hüququndan, eləcə də avrokomissar vəzifəsindən imtina etməyə razıdır.
Oxu.Az xəbər verir ki, bunu ölkənin Xalq Skupşinasının sədri Ana Brnabiç Praqada keçirilən "Globsec Forum" təhlükəsizlik konfransında bildirib.
"Aİ-yə çətinliklər yaratmaq məqsədilə daxil olmuruq. Bizə veto hüququ gərək deyil. Komissar da istəmirik. Üstəlik, ümid edirik ki, ittifaqa qəbulumuzdan sonra komissarların sayı azalacaq", - deyə Brnabiç vurğulayıb.
Hazırda Albaniya, Bosniya və Herseqovina, Gürcüstan, Moldova, Şimali Makedoniya, Serbiya, Türkiyə, Ukrayna və Monteneqro Aİ-yə üzvlük üçün namizəd statusuna malikdirlər. Brüssel, tanınmayan Kosovoya da bu statusun verilməsi üçün Belqrada təzyiq göstərir.
