Böyük Britaniyanın Baş naziri Kir Starmer könüllü olaraq istefa verə bilər. O, bu addımı Böyük Mançesterin meri Endi Bernemin xeyrinə atacağı deyilir.
"The Daily Telegraph"ın məlumatına görə, Starmer bütün variantları nəzərdən keçirir. O, liderliyə meydan oxuyanlara qarşı hazır olduğunu bildirsə də, könüllü istefa ehtimalı var.
Endi Bernem mayın 14-də Meykerfild seçki dairəsindən parlamentə namizədliyini irəli sürdü. Hakim Leyborist Partiyası onun namizədliyini təsdiqlədi. Seçki iyunun 18-də keçiriləcək. Qalib gələrsə, Bernem baş nazir postuna namizəd ola bilər.
Partiya daxilində Starmerin getməsini istəyənlərin sayı 90-ı keçib. Səhiyyə naziri Uez Stritinq istefa verərək səbəb kimi Starmerə etibarın itirilməsini göstərib.
