Böyük Britaniyanın Baş naziri Kir Starmer istefa verməkdən imtina edib. O, jurnalistlərə açıqlamasında deyib: “Əgər rəqabət yaranarsa, namizədliyimi yenidən irəli sürəcəyəm. Geri çəkilmək niyyətində deyiləm”.
Bu, Endi Bernemin Meykerfild bölgəsində keçirilən əlavə seçkidə qələbə qazanmasından sonra baş verib. Bernem Leyboristlər Partiyasının sol qanadının dəstəyini itirmiş Starmerə qarşı əsas rəqib kimi görünür.
Partiya rəhbərini dəyişdirmək üçün Bernem fraksiya təmsilçilərinin 20%-nin səsini toplamalıdır. Uğur qazanarsa, partiya üzvləri səsvermə keçirəcək. Bernem qalib gələrsə, birbaşa baş nazir olacaq.
Xatırladaq ki, mayın 7-də keçirilən yerli seçkilərdə Leyboristlər Partiyası Uelsdə üstünlüyü itirib və İngiltərədə 1.4 min az nümayəndə qazanıb. Starmer məğlubiyyətə görə məsuliyyəti üzərinə götürsə də, istefa verməyəcəyini bildirib.
