Suriyada keçid dövrü parlamentinin üzvləri təsdiqlənib. Ali Komitə yeni Xalq Məclisinin ilk iclasının iyulun 6-da olacağını açıqlayıb.
Komitə rəhbəri Məhəmməd Taha əl-Əhməd bildirib ki, tərkib prezident tərəfindən təyin olunan şəxslərlə formalaşıb. Siyahıda döyüşlərdə həlak olanların ailələri, həbsdən çıxanlar, kimyəvi hücum qurbanları, alim və ekspertlər var.
Parlamentdə 21 yer qadınlara ayrılıb. Ümumi 210 yerdən 70-i prezident Əhməd əş-Şaraa tərəfindən təyin edilib, qalanları regional kollegiyaların səsverməsi ilə seçilib.
