Beş il əvvəl Türkiyə və Azərbaycan münasibətlərində tarixi bir hadisə yaşandı. Prezident Rəcəb Tayyib Ərdoğan və Prezident İlham Əliyev Şuşa Bəyannaməsini imzaladı. Bu sənəd iki ölkənin dostluğunu bütün dünyaya elan etdi.
Oxu.Az xəbər verir ki, "Haber Global" bu barədə xüsusi videomaterial hazırlayıb. Materialda qeyd olunur ki, Qarabağın incisi Şuşada imzalanan bu sənəd yalnız Türkiyə-Azərbaycan münasibətləri üçün deyil, həm də region və türk dünyası üçün vacibdir.
Bəyannaməyə əsasən, tərəflərdən birinin müstəqilliyinə, suverenliyinə, ərazi bütövlüyünə və ya sərhədlərinə qarşı təhdid olarsa, hər iki ölkə birlikdə hərəkət edəcək. 15 iyun tarixinin seçilməsi də təsadüfi deyil: bu gün Azərbaycan Milli Qurtuluş Gününü qeyd edir.
