Qazaxıstan Prezidenti Kasım-Jomart Tokayev, yeni Konstitusiyanın qüvvəyə minməsindən sonra dövlətçiliyin təməlinin "əsaslı şəkildə yenilənəcəyini" bildirib. O, hakimiyyət modelinin güclü prezident, nüfuzlu parlament və hesabatlı hökumət əsasında formalaşdırılacağını vurğulayıb.
Tokayev köhnə çağırış parlamentin son iclasında çıxış edərək, ölkənin müstəqilliyinin möhkəm təməlinə söykənərək Qazaxıstan dövlətçiliyinin əsaslarının köklü şəkildə yenilənməsi və idarəçilik sisteminin keyfiyyətcə təkmilləşdirilməsi zərurətini qeyd edib.
Martın 15-də keçirilən referendumda seçicilərin 87.15 faizi yeni Konstitusiya layihəsini dəstəkləyib. İslahatlara əsasən, ikipalatalı parlament birpalatalı ilə əvəz olunacaq, vitse-prezident postu bərpa ediləcək.
Hökumət dəyişiklikləri cəmiyyətin tələbi və "insan üçün dövlət" prinsipinin səmərəli həyata keçirilməsi ilə əsaslandırır.
