ABŞ Prezidenti Donald Tramp G7 sammitində Avropa liderləri ilə İran məsələsində ortaq məxrəcə gəlib. O, bunun qarşılığında Ukraynaya dəstək vəd edib.
Politico nəşri Avropa diplomatlarına istinadən xəbər verir ki, Tramp həmkarlarına təzyiq edərək İranla sazişi dəstəkləmələrini istəyib. O həmçinin vitse-prezident Cey Di Vensin Cenevrəyə səfərindən əvvəl Hörmüz boğazının minalardan təmizlənməsinə yardım təklif edib.
Mətbuata açıqlamasında Tramp Avropa dəstəyinin əhəmiyyətini kiçildsə də, qapalı görüşlərdə həm şifahi, həm də maliyyə köməyi istəyib. Mənbə bildirib: "Bunun əvəzində Ukrayna üçün addımlar atılacaq. Hər kəs onun Ukraynaya yardım edəcəyini düşünür."
G7 liderləri yalnız konkret şərtlər daxilində dəstək verməyə razı olublar. Fransa Prezidenti Emmanuel Makron minalardan təmizləmə əməliyyatlarına gəmilərin cəlb edilməsinin ABŞ, İran və Omanın birgə razılığı ilə həyata keçirilməsini vurğulayıb.
