ABŞ Prezidenti Donald Tramp İrana planlaşdırılan hərbi zərbələri ləğv etdiyini açıqlayıb.
Bu barədə Tramp "Truth Social" platformasında yazıb. O bildirib ki, İranla aparılan müzakirələr nəticəsində bu axşam üçün nəzərdə tutulan zərbələr və bombardmanlar ləğv olunub.
Tramp qeyd edib ki, saziş ABŞ, İsrail, Səudiyyə Ərəbistanı, BƏƏ, Qətər, Türkiyə, Pakistan, Bəhreyn, Küveyt, İordaniya, Misir və digər ölkələr tərəfindən təsdiqlənib.
"Dəniz blokadası bu saziş başa çatana qədər qüvvədə qalacaq. İmzalanma vaxtı və yeri yaxın zamanlarda elan olunacaq", - deyə Tramp vurğulayıb.
Xatırladaq ki, əvvəllər Tramp İranın Vaşinqtonla sazişə razı olmadığı təqdirdə ölkəni yerlə-yeksan edəcəyi ilə hədələmişdi.
