ABŞ Prezidenti Donald Trampın "Hörmüz boğazı yenidən bağlanacağı təqdirdə İranın qalan hissəsini də işğal edəcəyik" təhdidlərinə Tehran sərt reaksiya verib.
Oxu.Az xəbər verir ki, İran parlamentinin Milli Təhlükəsizlik Komissiyasının rəhbəri İbrahim Əzizi sosial şəbəkələrdə bildirib: "Siz hədələyirsiniz, biz hərəkətə keçirik".
O, boğazın İranın suveren suları olduğunu vurğulayıb: "Hörmüz boğazı sizin şəxsi kazinonuz və ya müasir piratların 'arxa bağçası' deyil. Bura İranın suveren sularıdır".
Qeyd edək ki, Tehran sülh müzakirələrindən sonra atəşkəsin uzadılmasına razılaşaraq boğazın blokadasını ləğv etmişdi. Lakin SEPAH İsrailin Livana zərbələrinə cavab olaraq boğazı yenidən bağlayıb.
ABŞ prezidenti İranı nəticələr barədə xəbərdar edib: "Boğazı bağlasanız, ölkəniz olmayacaq". Münaqişənin həlli üçün danışıqlar davam edir, lakin İran nümayəndə heyəti Trampın bəyanatlarından narazı qalaraq görüşü dayandırıb.
