Türkiyədə İzmir-Antalya marşrutu ilə hərəkət edən sərnişin avtobusu alovlanaraq 8 nəfərin ölümünə səbəb olub.
Denizli-Aydın magistralında baş verən qəzada ən faciəli talelərdən biri Civan Şen ailəsinə məxsusdur. Civan Şen, həyat yoldaşı Sevda və 9 aylıq oğlu Eyüp Miraç ilə Kurban bayramı üçün İzmirə getmişdi. Geri dönərkən qəzaya düşdülər.
Civan Şen, böyük fədakarlıq edərək əvvəlcə pəncərəni sındırıb həyat yoldaşını xilas etdi. Lakin özü və körpə oğlu digər sərnişinlərin yaratdığı sıxlıq səbəbindən avtobusdan çıxa bilmədi və alovlar arasında can verdi.
Başqa bir acı hekayə isə Güle Tayboğa və qızı Fatma Kartalla bağlıdır. Uzun illər xərçənglə mübarizə aparan ana-qız, qəzada həyatını itirdi.
