UVB-76 radiostansiyası yenidən efirə çıxıb. Stansiya "jestokain" sözünü yayımlayıb. Bundan sonra eyni anda üç sirli söz də göndərilib: "Korolevna", "Kaposup" və "Bratoşik".
Bir gün əvvəl "leşotein" sözü səsləndirilmişdi.
UVB-76 daimi "vızıltı" səsi ilə tanınır və bəzən anlaşılmaz ifadələr, rəqəmlər yayımlayır. Güman edilir ki, bu stansiya Rusiya Silahlı Qüvvələrinə aiddir.
Fərziyyələrə görə, bu "Perimetr" sistemi ilə əlaqəli ola bilər. "Ölü əl" kimi də tanınan bu sistem nüvə cavab zərbəsini avtomatik idarə edir.
Lakin bu nəzəriyyələrin heç biri təsdiqlənməyib. Stansiyanın dəqiq yeri hələ də müəyyən edilməyib.
