Darrem Universitetinin Yer elmləri professoru Mark Allen, Venesuelada ard-arda baş verən iki güclü zəlzələ arasındakı qısa intervalın qeyri-adi olduğunu bildirib.
Oxu.Az CNN-ə istinadən xəbər verir ki, alim, təkanların miqyasını nəzərə alaraq, onların vaxt baxımından bu qədər yaxın olmasını heyrətlə qarşılayıb.
Ekspertin fikrincə, ilk təkan qırılma xəttinin bir hissəsini qıraraq, yaranan gərginliyi qonşu hissəyə ötürüb. Avstraliyalı seysmoloq Adam Paskal isə qeyd edib ki, ikinci təkan birincidən iki dəfə güclü olub və cəmi 40 saniyə sonra baş verib.
İyunun 24-də axşam Venesuelada 7.2 və 7.5 bal gücündə iki zəlzələ qeydə alınıb. Episentrləri Yarakuy ştatında bir-birindən 10 km məsafədə yerləşib.
