İyunun 24-də Venesuelada baş verən dağıdıcı zəlzələdə həlak olanların sayı 2 954 nəfərə çatıb.
Oxu.Az xəbər verir ki, bu barədə Bolivar Respublikasının İnformasiya və Rabitə Nazirliyi "Telegram" kanalında məlumat yayıb.
Nazirliyin açıqlamasına görə, zəlzələ nəticəsində 16 592 nəfər xəsarət alıb, 16 309 nəfər evsiz qalıb. 190 bina tamamilə dağılıb, 856 bina ciddi zədələnib.
Axtarış-xilasetmə əməliyyatları zamanı 6 462 nəfər xilas edilib. 22 445 nəfər xəstəxana və tibb müəssisələrində müalicə alıb. 86 794 zərərçəkmiş ailəyə yardım göstərilib, 9 486 ton ərzaq çatdırılıb.
Xatırladaq ki, zəlzələ iyunun 24-ü axşam saatlarında baş verib. 40 saniyə fərqlə 7.2 və 7.5 maqnitudalı iki yeraltı təkan qeydə alınıb. Episentrlər Yarakuy ştatında yerləşib.
