ABŞ vitse-prezidenti Cey. Di. Vens, Tulsi Qabbardın Milli Kəşfiyyat direktoru vəzifəsindən istefasından sonra 2028-ci il prezident seçkisində iştirakdan imtina etməyi düşünür.
Oxu.Az-a istinadən "The Daily Mail" qəzeti mənbələrə əsaslanaraq xəbər verir.
Mənbələrə görə, Qabbard Prezident Donald Trampın hərbi ambisiyalarını cilovlamaqda Vensin bir neçə müttəfiqindən biri olub.
"Vitse-prezidentin yumşaq xarici siyasəti onu Trampla qarşıdurma vəziyyətinə salıb. Rubionun Vensdən daha çox nüfuzu var. Prezident ona qulaq asır. Vens ümumi mənzərəyə uyğun gəlmir", - deyə Ağ Evdəki mənbə bildirir.
Bildirilir ki, seçkidən imtina Vens üçün taktiki addım ola bilər və ona son illərdə baş verənlərə görə məsuliyyətdən qaçmaq imkanı verər. 2032 və 2036-cı illərdə qalib gəlmək üçün isə on il siyasi çəkisini qorumalıdır.
