Serbiya Prezidenti Aleksandar Vuçiç Avropanın iqtisadi çöküş riski ilə üzləşdiyini bildirib. O, proteksionizm siyasətinin Avropanı məhv etdiyini vurğulayıb.
"Bloomberg" agentliyinin məlumatına görə, Vuçiç Avropa İttifaqından məyus olduğunu və ölkəsinin Çinlə əlaqələrinin daha da dərinləşdiyini qeyd edib.
"Arxayınlıq və aşağı məhsuldarlıq fonunda Avropa yavaş-yavaş iqtisadi tənəzzülə doğru irəliləyir. Avropa, Çin və ABŞ arasında investisiya axınını çətinləşdirən həddindən artıq çox maneə var", - deyə Vuçiç bildirib.
Vuçiç 2027-ci ildə prezidentlik müddəti bitdikdən sonra yenidən namizəd olmayacağını, lakin baş nazir postuna namizəd ola biləcəyini təsdiqləyib. O, Aİ üzvlüyünü əsas məqsəd kimi dəyərləndirir və Avropa siyasətçilərini ittifaqın genişlənməsini davam etdirməyə çağırıb.
