İlon Muskın "X" sosial şəbəkəsi "Premium" abunəliyi olmayan istifadəçilər üçün yeni məhdudiyyətlər tətbiq edib.
Gazeta.ru-ya istinadən xəbər verilir ki, dəyişikliklər platformanın infrastruktur yükünü azaltmaq məqsədi daşıyır.
Yeni qaydalara əsasən, təsdiqlənməmiş hesablar gündə 50 paylaşım, 500 şəxsi mesaj, 200 cavab və 400 abunə ilə məhdudlaşdırılıb.
Həmçinin, 30 dəqiqə ərzində edilən paylaşım və cavab sayına da məhdudiyyət qoyulub, lakin dəqiq rəqəmlər açıqlanmayıb.
Limitlər bütün cihazlar və API sorğuları üçün keçərlidir. Hədd aşıldıqda istifadəçilərə bildiriş göndərilir.
X-ə ödənişli abunəlik 2022-ci ilin noyabrında başlayıb və aylıq 3 dollardır.
