Yaponiyada hakim Liberal-Demokrat Partiyasının deputatı Hirofumi Nakasone, Şahzadə Ayko ilə bağlı dediklərinə görə üzr istəyib.
Oxu.Az NTV.ru-ya istinadən xəbər verir ki, Nakasone mətbuat konfransında çıxış edərək sözlərinin yersiz olduğunu etiraf edib.
O, əvvəlki mühazirəsində qeyd etmişdi ki, Yaponiya qanunları taxtın yalnız kişi xətti ilə ötürülməsini nəzərdə tutur. Buna görə də İmperator Naruhitonun yeganə qızı Şahzadə Aykonun taxta çıxması qeyri-mümkündür, çünki onunla evlənəcək kişi tapılmayacaq.
Deputat tənqidlərə cavab olaraq, sadəcə Şahzadə Aykoya xoşbəxt həyat arzuladığı üçün narahatlığını dilə gətirdiyini bildirib.
Qeyd edək ki, İmperator Naruhitonun kişi xətti üzrə üç varisi var: qardaşı Fumihito, qardaşı oğlu Hisahito və əmisi Hitati. Hazırda qadın üzvlərin statusu və keçmiş şahzadələrin bərpası müzakirə olunur.
