ABŞ və Yaponiya süni intellekt sahəsində əməkdaşlığı gücləndirir. İki ölkə beş il ərzində bir milyard dollar sərmayə qoymağı planlaşdırır.
Yaponiya Nazirlər Kabinetinin baş katibi Minoru Kihara bildirib ki, bu təşəbbüs elmi tədqiqatlarda süni intellektin inkişafına yönəlib. Strateji tərəfdaşlıq çərçivəsində beynəlxalq miqyaslı birgə araşdırmalar aparılacaq.
Kihara vurğulayıb ki, əməkdaşlıq biotexnologiya, kvant informasiya elmləri, materialşünaslıq və termonüvə sintezi kimi sahələri də əhatə edəcək. Bu, ABŞ-Yaponiya elmi əlaqələrini möhkəmləndirəcək.
