Yataq otağında saxlanılan yasəmən çiçəyi ciddi sağlamlıq problemlərinə səbəb ola bilər. Başağrısı, aritmiya və görmə qabiliyyətinin pisləşməsi bunlardan yalnız bir neçəsidir.
Rusiyalı mütəxəssis Tatyana Xrınova bildirib ki, yasəmənləri yalnız yaxşı havalandırılan otaqlarda saxlamaq lazımdır. Yataq otağına qoyulması güclü baş ağrılarına yol açır.
Yasəmənin yarpaqlarında və çiçəklərində siringin adlı ürək qlikozidi var. Bu maddə ürək ritmini poza, yuxusuzluğa və miqrenə səbəb ola bilər. Nadir hallarda görmənin pisləşməsi və qanda trombositlərin azalması müşahidə edilir.
Mütəxəssis yasəmənin terrasda, qonaq otağında açıq pəncərə yanında və ya eyvanda saxlanmasını tövsiyə edir. Bu zaman sağlamlıq riski olmadan ətrafı gözəlləşdirəcək.
