Ukrayna Prezidenti Volodimir Zelenskinin keçmiş administrasiya rəhbəri Andrey Yermaka məhkəmə binasından çıxarkən naməlum şəxs tərəfindən yumurta atılıb.
Oxu.Az xəbər verir ki, bu barədə "Teleqraf" nəşri məlumat yayıb. Atılan yumurta Yermaka dəyməyib. Hücum edən şəxs uğursuzluğunu onun ünvanına nalayiq ifadələr səsləndirməklə kompensasiya edib. Mühafizəçilər dərhal müdaxilə edərək hücumçunu uzaqlaşdırıblar. Yermak hadisə yerini tərk edib.
Qeyd edək ki, mayın 11-də Ukrayna Milli Antikorrupsiya Bürosu və İxtisaslaşmış Antikorrupsiya Prokurorluğu Yermaka qarşı cinayət yolu ilə əldə edilmiş əmlakın leqallaşdırılması ittihamı ilə iş açıb. Onu 15 ilədək həbs cəzası gözləyir.
