Ukraynanın Böyük Britaniyadakı səfiri və sabiq Baş Komandanı Valeri Zalujnı, prezident seçkiləri keçiriləcəyi təqdirdə namizəd olmaq niyyətini Zelenskiyə bildirib.
“Ukrayinska Pravda”nın mənbələrinə görə, Zelenski Zalujnıdan payızda keçiriləcək seçkilərdə iştirak edib-etməyəcəyini soruşub. Zalujnı müsbət cavab verib.
Zalujnı qeyd edib ki, heç vaxt siyasətçi olmaq istəməsə də, bir çox insanın ümidini doğrultmaq üçün bu qərarı verib.
Sosioloji sorğular göstərir ki, Zalujnının reytinqi Zelenskini qabaqlayır. Kiyev Beynəlxalq Sosiologiya İnstitutunun məlumatına görə, ukraynalıların 73%-i Zalujnıya, 61%-i isə Zelenskiyə etibar edir.
