İnternetdə məşhur olan "Zona 51" adı ilə tanınan Qrum-Leyk bazası üzərində naməlum bir hava gəmisinin termal şəkli yayılıb. Görüntü gecə saatlarında çəkilib və ABŞ-ın yeni nəsil qırıcısı ola bilər.
Oxu.Az xəbər verir ki, məlumat "The War Zone" (TWZ) nəşri tərəfindən paylaşılıb. Termal kamera keyfiyyəti aşağı olsa da, obyektin cizgiləri F-47 qırıcısı ilə uyğunlaşır.
Ehtimal olunur ki, fotoda NGAD proqramı çərçivəsində hazırlanmış prototip əks olunub. "Project Fear" kanalı şəkli gələcək videonun tizeri kimi yayımlayıb.
ABŞ Hərbi Hava Qüvvələri görüntüyə şərh verməyib. Bu arada, Rusiyanın Su-57 qırıcısının populyarlığı artır və pilotsuz aparatları idarə edən ikiyerli modifikasiyası yaradılıb.
