Baku TV-nin "Retro Baku" verilişinin son buraxılışı Xalq artisti Əjdər Həmidova həsr olunub.
Əməkdar artist Nahidə Orucova verilişdə aktyorun ona etdiyi eşq etirafından danışıb. O, illər əvvəl Sumqayıt teatrında işləyərkən Həmidovun hisslərini ciddiyə almadığını deyib: "Ölməzdən əvvəl etiraf etdi: 'Neçə ildir səni sevirəm'."
Aktyor bir dəfə kollektiv qarşısında diz çökərək ona gül verib, amma o bunu zarafat sayıb. Sonra Həmidov xatırladıb: "O zaman qəbul etsəydin, ailəmiz olardı."
Yaradıcılıq yolu çətin olub. "Yoxlama" filmində təhlükəli səhnələri özü çəkib, amma bu ona böyük stres yaşadıb. Səhhətində problem yaranıb, iki il kənddə yaşayıb, iki dəfə intihar həddinə gəlib.
Buna baxmayaraq, səhnəyə qayıdıb. O, 24 sentyabr 2020-ci ildə xəstəlikdən vəfat edib və Azərbaycan mədəniyyətində hörmətlə anılır.
