Parisdə iyunun 9-da Avropa kitabxanalarından Aleksandr Puşkin və digər rus klassiklərinin nadir nəşrlərinin oğurlanması ilə bağlı məhkəmə prosesi başlayıb.
Oxu.Az xəbər verir ki, bu barədə "Kommersant" məlumat yayıb.
Silsilə oğurluqların təşkilində Gürcüstandan olan yeddi nəfər ittiham olunur. Onları on ilədək həbs cəzası gözləyir.
Müstəntiqlərə görə, cinayətkar qrup 2022-2023-cü illərdə Fransa, İsveçrə, Almaniya, Finlandiya, Polşa, Litva, Latviya və Estoniya kitabxanalarında oğurluqlar edib. İtmiş kitabların dəyəri 650 min avro qiymətləndirilir.
Məhkəmə prosesi oğurluqların antikvar tacirlərinin sifarişi, yoxsa mədəni irsin Rusiyaya qaytarılması kampaniyası olduğunu müəyyən etməlidir. İkinci iddia hələ təsdiqlənməyib.
