Mayın 31-i Azərbaycanın Xalq artisti Sara Qədimovanın doğum günüdür. O, 1922-ci ildə Bakıda anadan olub, əslən Ağdamın Abdal-Gülablı kəndindəndir.
1941-ci ildə Müslüm Maqomayev adına Filarmoniyada solist kimi başlayan Sara Qədimova nadir istedadı ilə tez tanınıb. İkinci Dünya müharibəsində oxuduğu "Şəfqət bacısı" mahnısı qəhrəman qadın obrazı yaradıb.
Onun sənətində Hüseynqulu Sarabski, Xan Şuşinski kimi ustadların böyük rolu olub. O, klassik ifaçılıq ənənələrinə sadiq qalıb.
Opera səhnəsində Leyli və Əsli obrazları ilə yadda qalan sənətkar "Bayatı-Şiraz", "Şur", "Şahnaz" kimi muğamları ifa edib. "Qarabağ şikəstəsi" onun ifasında xüsusi yer tutur.
Xanəndə 60 ildən artıq yaradıcılığı ilə Azərbaycan mədəniyyətinə xidmət edib. O, 2005-ci il mayın 12-də vəfat edib.
