Xalq artisti Səidə Quliyeva Oxu.Az-a müsahibəsində sənət həyatından maraqlı anları bölüşüb.
"Seriallara getmirəm, çünki orada rejim yoxdur", - deyən aktrisa səhər-axşam çəkilişlərinə uyğunlaşa bilmədiyini bildirib.
Hazırda "Bulaq" verilişini oxuyan Quliyeva 26 ildir bu proqramda çalışır. Akademik Milli Dram Teatrında 48 ildir səhnədədir.
O, ustadı Adil İsgəndərovun onu üç il qəbul etmədiyini, dördüncü ildə isə aktrisa kimi tanıdığını söyləyib.
Səidə Quliyeva qalmaqallardan uzaq durmağının sirrini insanlara mədəni yanaşması ilə izah edib.
O, şöhrətin sabun köpüyünə bənzəməməsi üçün daimi yaradıcılıq və tamaşaçı sevgisinin vacib olduğunu vurğulayıb.
