Heydər Əliyev Fondu və Mədəniyyət Nazirliyinin təşkilatçılığı ilə mayın 14-də Şuşada IX "Xarıbülbül" Beynəlxalq Musiqi Festivalı başlayıb.
Festival Cıdır düzündə "Mənim Azərbaycanım" rəqsi və Cahangir Cahangirovun "Cənnətim Qarabağ" əsəri ilə açılıb.
Yerli sənətçilərlə yanaşı, ABŞ, Qazaxıstan, Özbəkistan, Türkmənistan, Türkiyə və Yaponiyadan qonaqlar dəvət olunub. Məqsəd mədəni dialoqu inkişaf etdirmək və gənc musiqiçiləri dəstəkləməkdir.
