İyunun 10-da Azərbaycan Milli Xalça Muzeyində "Təbii intellekt / NI - Natural Intelligence" sərgisinin rəsmi açılışı oldu.
Tədbir "Atəş Hub" platforması, Mədəniyyət Nazirliyi, Milli Xalça Muzeyi və "YARADICI" mərkəzinin dəstəyi ilə keçirildi.
Muzey direktoru Əminə Məlikova bildirdi ki, layihə texnoloji inkişafın insan düşüncəsinə təsirini araşdırır. Sərgidə yaddaş, diqqət, qavrayış və mədəni köklərdən uzaqlaşma mövzuları yer alır.
Azərbaycan xalçası mədəni kodların daşıyıcısı kimi təqdim olunur. Müəlliflər bu sənəti müasir texnologiya və ekologiya prizmasından yenidən qiymətləndirir.
Leyla Seyidzadə qeyd etdi ki, sərgi "science art" istiqamətində ilk layihədir. Kurator Sofiya Frank rəssamların əsərləri haqqında məlumat verdi.
Sərgi iyunun 14-dək açıq olacaq.
