M.Maqomayev adına Azərbaycan Dövlət Akademik Filarmoniyasının Bakı Dövlət Kamera Orkestri Xankəndi Mədəniyyət Mərkəzində 15 İyun - Milli Qurtuluş Gününə həsr olunan təntənəli konsert verib.
Konsert Mədəniyyət Nazirliyinin təşəbbüsü ilə keçirilən genişmiqyaslı mədəni qastrol proqramı çərçivəsində baş tutub.
Əvvəlcə Milli Qurtuluş Gününün tarixi haqqında məlumat verilib, ümummilli lider Heydər Əliyevin rolu vurğulanıb.
Orkestr Əməkdar artist Fuad İbrahimovun dirijorluğu ilə Üzeyir Hacıbəylinin "Arazbarı", Qara Qarayevin "Yeddi gözəl" baletindən "Aişənin rəqsi" kimi əsərləri ifa edib.
Solistlər Xalq artisti Gülnaz İsmayılova, Əməkdar artist Anar Şuşalı və digərləri çıxış ediblər.
Xankəndi sakinləri, Qarabağ Universitetinin nümayəndələri və quruculuq işlərində iştirak edənlər konserti alqışlarla qarşılayıblar.
Xankəndi Mədəniyyət Mərkəzi mayın 28-də yenidənqurmadan sonra istifadəyə verilib.
