Baku TV-nin 'Hərbi xronika' rubrikasında Ermənistanın hərbi modernizasiyası və regionda dəyişən balans təhlil edilib.
İrəvandakı hərbi parad ərəfəsində Fransa istehsalı CAESAR haubitsaları, Hindistanın 'Pinaka' raket sistemləri və Çindən alınan 'Wing Loong II' dronları diqqət mərkəzindədir. Ermənistan Fransa, Hindistan və Çinlə hərbi əməkdaşlığı gücləndirir.
İrəvan təkcə silah almır, həm də raket və sursatların yerli istehsalını müzakirə edir. Bu, uzunmüddətli hazırlıq və davamlı təchizat modeli qurmaq cəhdidir.
Müasir müharibələrdə üstünlük tank və canlı qüvvə deyil, sürətli kəşfiyyat, yüksək dəqiqlikli artilleriya, dronlar və 'kill chain' sistemi ilə müəyyən olunur.
Azərbaycan artilleriya, HHM və uzaqmənzilli zərbə imkanlarını gücləndirir, 'Bayraktar TB2', 'Harop' və digər sistemlərlə çoxqatlı arxitektura qurur.
Regionda əsas yarış 'kimdə daha çox silah var' deyil, 'kim daha sürətli, ağıllı və şəbəkə əsaslı döyüşür' prinsipi üzərindədir.
