Türkiyədə narkotik istintaqı çərçivəsində saxlanılan məşhur aktyorlar, müğənnilər və sosial media ulduzları barəsində yeni qərar verilib.
Oxu.Az xəbər verir ki, 'Haber Global'a istinadən, saxlanılan 25 nəfərdən 10-u sərbəst buraxılıb.
Məhkəmə qərarı ilə Aslıhan Turanlı, Berkay Şahin, Volkan Bahçekapılı, Kübra İmren, Aycan Yağcı, Tuğçe Postoğlu, Eda Dora, Cansu Tekin, Yaşar Özdaş və repçi Hakan Aydın sərbəst qalıblar. Lakin onlara ölkə xaricə çıxma qadağası qoyulub.
Hakan Aydın (Blok3) həftədə iki dəfə icra orqanına imza atmalıdır. Digər saxlanılan Mehmet Rahşan isə həbs edilib.
İstintaqın çoxşaxəli davam etdiyi və yeni saxlanılanların olacağı bildirilir. Keçən gün narkotik əməliyyatında 25 nəfər saxlanılmışdı.
