150-yə yaxın filmdə rol alan tanınmış latviyalı kinoaktyor Paul Butkeviç 85 yaşında dünyasını dəyişib.
Oxu.Az xəbər verir ki, bu barədə "Baltijas Balss" xəbər portalı məlumat yayıb.
Aktyor postsovet məkanında daha çox sovet kino layihələrində, o cümlədən "Baharın 17 anı" və "Qardemarinlər, irəli!" filmlərində iştirakı ilə məşhurluq qazanıb. O, həmçinin "Dyunalarda uzun yol", "Yarımçıq qalmış şam yeməyi", "İlğım" filmlərində çəkilib.
Butkeviç 1960-cı illərdən başlayaraq 150-dən çox film və televiziya layihəsində iştirak edib. 2016-cı ildə Latviya mədəniyyətinə töhfələrinə görə IV dərəcəli "Tanınma" xaçı ilə təltif olunub.
