İtaliyanın Toskana vilayətindəki Forte-dei-Marmi kurort qəsəbəsində məşhur tenor Andrea Boçellinin ailəsinə məxsus villa qarət olunub.
"Il Tirreno" nəşrinin məlumatına görə, oğurlanan əmlakın dəyəri 500 min avro təşkil edir.
Oğurluq zamanı evdə heç kim olmayıb. Villa həmin vaxt amerikalı turist ailəsinə kirayəyə verilmişdi.
Cinayətkarlar zinət əşyaları, bahalı saatlar, brend çantalar və nağd pulu götürüblər. Polis müəyyən edib ki, ev mühafizə olunmayıb və siqnalizasiya söndürülüb.
Qeyd edək ki, görmə qabiliyyəti olmayan tenora məxsus bir neçə daşınmaz əmlak var və onların bir qismi yayda varlı turistlərə kirayə verilir.
