Məşhur 'Village People' disko qrupunun qurucularından və 'Y.M.C.A.' hitinin vokalisti Viktor Uillis 75 yaşında dünyasını dəyişib.
Oxu.Az-ın məlumatına görə, sənətçi qısamüddətli kəskin xəstəlik nəticəsində iyunun 30-da vəfat edib.
Həyat yoldaşı Karen Haff-Uillis onun sürətlə inkişaf edən xəstəlikdən öldüyünü təsdiqləyib.
Uillis 1970-ci illərdən 'Village People' qrupunun əsas vokalisti olub. Səhnədə dənizçi və ya polis obrazında çıxış edirdi.
2020-ci ildə 'Y.M.C.A.' mahnısı ABŞ Milli Səsyazma Reyestrinə daxil edilib. Donald Tramp bu mahnını seçki kampaniyasında geniş istifadə edib.
