Amerikalı pop ulduzu Teylor Svift və NFL ulduzu Trevis Kelsinin gizli toy etdiyi iddia olunur.
"Page Six" mənbələrə istinadən xəbər verir ki, cütlük yalnız ən yaxın insanların iştirak etdiyi kiçik bir mərasimdə nikah andı içib. Mərasimin yeri və vaxtı açıqlanmır.
Nyu-York ştatında nikah şəhadətnamələri ictimaiyyətə açıqlanmır. Lakin Manhetten meriyasının təhlükəsizlik xidməti son günlərdə belə sənədin verildiyini təsdiqləməyib.
Eyni zamanda, "Madison Square Garden" arenasında böyük bir bayram tədbirinə hazırlıq gedir. Cütlük iyulun 2-də 100 nəfərlik tədbir keçirib, iyunun 3-ü axşamı isə 1000 qonaqlı möhtəşəm toy şənliyi planlaşdırılır.
Arena ətrafında Bredli Kuper, Lena Danem, Erin Endryus və Cek Antonoff kimi məşhurlar görüntülənib. Girişdə ciddi məxfilik qaydaları haqqında xəbərdarlıq lövhəsi var.
"Reuters"-ə görə, Svift və Kelsi Nyu-York və digər şəhərlərdə xeyriyyə təşkilatlarına 26 milyon dollar ianə edib.
Teylor Svift və Trevis Kelsi 2023-cü ildən münasibətdədir. Müğənni 2025-ci ilin avqustunda nişanlandıqlarını açıqlamışdı.
