Fransız aktyor Kristian Büjo 81 yaşında dünyasını dəyişib.
Bu barədə "Singularist" agentliyi Instagram-da məlumat yayıb.
"Sənin üçün darıxacağıq: söhbətlərin, zarafatların, dəstəyin və səxavətin üçün", - deyə qeyd olunub.
Büjo "Gəlmələr" filmində stomatoloq Jan-Pyer, "Kaamelott" serialında silah ustası rollarını canlandırıb. O, həmçinin bir çox məşhur Fransız teleseriallarında çəkilib.
2014-cü ildə "Parisdə mətbəx" filmində restoran tənqidçisi rolunu ifa edib.
Karyerasının əvvəlində kaskadyor kimi çalışan Büjo, teatr səhnəsində də çıxış edib. 2012-ci ildə "Hərəkət et, bacı" müziklində iştirak edib.
