Repçi Şon Kombs, daha çox P.Diddi kimi tanınır, yenidən qalmaqalın mərkəzindədir. O, yetkinlik yaşına çatmayan bir artistə cinsi təcavüz etməkdə ittiham olunur.
Oxu.Az-ın məlumatına görə, "New York Post" nəşri Kaliforniyada yeni bir məhkəmə iddiası qaldırıldığını bildirib. İddiaçı, hadisənin 2007-ci ilin may ayında Hollivud təpələrində bir ziyafətdə baş verdiyini iddia edir.
İddiaçı, Kombsun onu sərxoş etdiyini və sonra potensial layihələr barədə söhbət etmək bəhanəsi ilə arxa otağa apardığını deyir. Məhkəmə sənədlərində, Kombsun çirkin davranış sərgilədiyi və qəsdən mənəvi zərər vurduğu qeyd olunur.
Repçinin vəkili Cuda Enqelmayer bütün ittihamları yalan və absurd adlandırıb. O vurğulayıb ki, müştərisi heç vaxt uşaqları cinsi əlaqəyə məcbur etməyib və iddiaçılar sadəcə qazanc əldə etmək istəyirlər.
Xatırladaq ki, 56 yaşlı Şon Kombs hazırda fahişəliklə əlaqəli cinayətlərə görə 50 aylıq həbs cəzası çəkir və onlarla oxşar iddia üzrə məhkəmə proseslərini gözləyir.
