Moskvalı 14 yaşlı qız ilyarım ərzində ölümcül xəstə rolunu oynayıb. Məktəbli dərslərə getməmək üçün özünə xəsarət yetirərək ətrafı qana bulayıb.
Oxu.Az xəbər verir ki, bu barədə "Mash" Telegram kanalı məlumat yayıb. Ana qızında burun, qulaq və uşaqlıqdan qanaxmalar müşahidə edib. Valideynlər dəfələrlə həkimlərə müraciət ediblər, lakin müayinələr ciddi problem aşkarlamayıb.
Bir müddət sonra valideynlər diqqətçəkən məqamı müəyyən ediblər: tutmalar yalnız tədris ili dövründə baş verib. Tətil başlayan kimi "xəstəlik əlamətləri" tamamilə yoxa çıxıb.
Nəticədə məlum olub ki, məktəbli dərslərə getmək istəmədiyi üçün qəsdən özünə xəsarət yetirirmiş. Həkimlər qızda Münhauzen sindromundan şübhələniblər. Şagird məktəbdən xaric edilməyib.
