ABŞ-də təxminən 50 milyon insan tornado ilə müşayiət olunan pis hava şəraitinin təsir zonasındadır.
Oxu.Az xəbər verir ki, bu barədə ABC telekanalı məlumat yayıb.
Yerli meteoroloji xidmətlərin açıqlamasına görə, Ayova, Kanzas, Minnesota və Nebraska kimi ştatlarda azı 20 tornado qeydə alınıb.
Təbii fəlakət nəticəsində bir neçə ev dağılıb. Ölənlər və zərərçəkənlər barədə hələlik məlumat daxil olmayıb. Bundan əlavə, bir sıra ştatlarda güclü küləklə müşayiət olunan pis hava şəraiti qeydə alınır.
Texas ştatından ABŞ-nin Şərq sahilində yerləşən Vermont ştatına qədər ərazidə də güclü tufanlar gözlənilir və tornado ehtimalı istisna edilmir. Kanzas, Missuri və Nebraska ştatlarının sakinləri mümkün su basmaları barədə xəbərdar ediliblər.
