Enerji qiymətlərinin kəskin artması səbəbindən yarım milyondan çox avropalı iş yerini itirə bilər.
Oxu.Az xəbər verir ki, bu barədə "Politico" portalı Avropa Komissiyasının (AK) Avropa İttifaqı (Aİ) ölkələri üçün hazırladığı iqtisadi və siyasi hesabata istinadən məlumat yayıb.
Hesabata görə, ABŞ-İran münaqişəsi fonunda enerji resurslarının bahalaşması 2026-cı ildə 560 minə qədər iş yerini təhlükə altına qoyacaq. Ən çox tikinti, metallurgiya, kimya sənayesi və nəqliyyat sektorları zərər çəkəcək.
Avtomobil sənayesində də vəziyyət gərgindir. Daxiliyanma mühərriklərindən imtina və Çin rəqabəti səbəbindən 600 min iş yeri bağlanma riski ilə üz-üzədir.
İxtisarlar alternativ enerji sektoruna da təsir edəcək. Akkumulyator istehsalında 85 min, günəş panellərində isə 59 min iş yerinin ixtisara düşəcəyi gözlənilir.
