"Falcon 9" raketi ABŞ-yə məxsus "Sirius SXM-11" rəqəmsal radioyayım peykini uğurla orbitə çatdırıb.
"SpaceX" şirkətinin məlumatına görə, uçuş Florida ştatındakı Kanaveral burnundakı 40 nömrəli buraxılış kompleksindən həyata keçirilib. Təxminən 35 dəqiqə sonra peyk orbitdəki yerini alıb.
7 tonluq "SXM-11" peyki Şimali Amerika ərazisində S-diapazonunda peyk radioyayımı xidmətləri göstərəcək. Qurğunun xidmət müddəti 15 il nəzərdə tutulur.
Bu cihaz 2008-ci ildən başlanan "Sirius XM" şəbəkəsini genişləndirəcək. Hazırda orbitdə bu tipli səkkiz aparat fəaliyyət göstərəcək. Raketin çoxistifadəli birinci pilləsi Atlantik okeanındakı platformaya uğurla eniş edib.
